السلام عليكم . . يمكن تأخرت شوي شوي
بس أهم شي خلصت الامتحانات
نبدا أول شي . . بسم الله
العناية بالبشرة و الجسم .. طبعا الشهر اللي طاف بديت أستعمل حبوب الريكوتين للوجه
الحبوب معروفه تنشف الشفايف و الشعر و الجسم و حتى الأظافر ! طبعا الدكتور وصفلي اياهم يعني لازم وصفة طبيب
لأنه الحبوب اللي عندي مب هرمونيه او مؤقته لكن وراثيه يعني ما ينفع أي شي وياي غير هالحبوب :(
لوشن الجسم من فازلين بالككاو . . روعه و حبيته وايد وايد لأنه يرطب فترة طويله
و طبعا ما أقدر انسى الريحه
كريم مرطب من سيتافيل . . أول شي استغربت من الأسعار :( مرطب ب 80 درهم حسيت وايد مبالغ فيه لكن أنا استعمله لأنه أدور شي بدون ريحه و للبشرة الجافه و حبيته و ما أقدر استغى عنه لكن السعر ..
لوشن للوجه مع واقي من هاوايين تروبك . . أمم اول شي خذته لأنه يديد نازل في كارفور و قلت أبغي اجرب و سعره ب 19 يعني معقول و أرخص عن وايد أشياء و كان وايد حلو و ما يخلي البشرة دهنيه ابدا و ينفع ك بيس تحت الفاونديشن
بي بي كريم من غارنييه . . أول شي ابدا ما فكرة أخذه عشان ما عندهم غير درجتين و حسيت مستحيل يكون اوكي علي و كان مسوين تنزيلات قلت مب خسرانه شي و خذته اللون كان وايد مضبوط و الحلو ما فيه تغطيه وايد يعني اللون مب واضح لكن لازم استعمل بودرة لأنه وايد دهني و حسيت ثباته حلو
بلشر من ماك . . واحد من أول البلشرات من ماك و خذته يوم كنت مسافره الصيف اللي طاف و ما استعملته وايد لكن الحين الربيع لونه أ أ أ أ أ ه ما أقدر أحلى شي مافيه شيمر او لمعه لأنه أحب المات أكثر و لونه مبين برتقالي لكن ما يطلع اللون قوي وايد و ينفع لجميع ألوان البشرة
بودرة شفافه من لورا ميرسيير . . طبعا من سنه فتح عندنا في دبي بلومنغدييلز دبي مول و كنت مصدومه وايد لأنه أول مره اجوفه غير عن النت و تحمست و خذت هالبوده و الحلو فيها انها شفافه و ما يخلي الويه مثل الطباشير
روج من ماك . . لونه عنابي لكن مب غامج وايد و ينفع مع وايد لوكات سموكي او ناتشورال و أحب استعمله حتى بروحه يوم مستعجله
مرطب شفايف . . من الصيديلة و وايد حلو لأنه شفايفي وايد شكلها يحزن مستوي لدرجة احيانا يطلع لي دم لكن هالشي انقذني وايد
تشبي ستيك من كلينيك . . اللون اسمه ميغا ميلون و لونه مشمشي لكن مب فاتح و يرطب و لونه روعه حق الصبح و أهم شي ترطيبه وايد عالي و الوانهم واضحه لكن مب قوية وايد
و بس أتمنى يعجبكم البوست
