❤ ♡ Online Shopping list ♡ ❤

السلام عليكم . . اليوم حبيت أسوي بوست لكن غير شوي 

بيكون قصير و قابل للتعديل . . البوست من عنوانه 

طبعا راح أحط لست للمواقع اللي تبيع ميك أب و غير و توصل لعندنا و أتمنى تستفيدو 

و أغلب المواقع معرفوه و أنا طلبت من عندهم كذا مره و للعلم الأسعرا دايما أرخص بوايد

من التاجرات اللي يبيعون المنتجات هذي 

بسم الله . . :)

• http://www.beautybay.com
• www.hqhair.com
• http://www.feelunique.com/
• asos.com
• http://www.lookfantastic.com
• http://www.romwe.com/
• http://www.muastore.co.uk/
• http://www.sleekmakeup.com/
• http://www.prettyandcute.com
• http://www.maxandchloe.com

❤ ♡ Summer essentials ♡ ❤

Summer essentials . . . !

السلام عليككم . . طبعا الصيف بدا بدوم مقدمات 

و أهم المنتجات للصيف من كريمات + ميك أب 

لوشن مع واقي شمس 

مرطب للوجه مع واقي شمس - هذا افضل مرطب مع واقي اشتريته للحين

مزيل عرق 

بلشر كريمي من نكس - أهم شي في الصيف البلشر الكريمي لأنه يتم عالبشرة فتره أطول و افضل بلشرات نكس الكريميه أكثر عن ماك لانهم وايد كريميات و اسهل فالدمج 

مسكرة مضادة للماي - ما انصح فيها للاستعمال اليومي لانه وايد صعب انج تشلينها و يمكن تتطيح رموشج لانه احيانا تكون يابسه وايد 

مرطب للشفايف + واقي شمس 

ما أعتقد البيبي لبس موجود عندنا لكن فالصيديلة فيه وايد بدايل او حتى السوبر ماركت

برايمر للوجه - يحمي كريم الأساس انه يسيح و يتم فتره أطول لكن مشكلتة يسد المسام فما أنصح فيه كاستعمال يومي 

هذا بديل لبينفت تينت لأنه هذا أرخص بوايد و فيه ألوان أكثر يمكن تحطينه عالخد أو الشفايف يعطي لون حلو و طبيعي و ما يسيح من ذا فيس شوي 

و أتمنى يكون البوست مفيد 

❤ ♡ Winged Liner ♡ ❤

الآيلنر كان من أول الأشياء اللي تعلمتها و هو الشي اللي خلاني أكتشف باقي الميك أب بشكل عام 

فالبدايه كنت استصعب الشي و جفت فيديوات و حاولت و حاولت بس ما ضبط مع أني كنت أتبع الخطوات بحذر لكن عقب اكتشفت انه الشي يمشي معاج ويا الوقت شوي شوي يعني مب من أول مره بيضبط 

أنا أحب استعمل الجل لاينر + الفرشاه المايله لأنه سوداه مافيه لمعة و أسهل بالنسبه لي مب مثل القلم ينشف في أول شهر و سواده يختفي 

طبعا لو لاحظتي أنا محطيه نوعين الأول بوبي براون و الثاني مايبلين كلهم أوكي لكن حسيت ميبلين كريمي أكثر ما ينشف بسرعه مثل بوبي بروان 

عاليسار من سيجما عرضها أقصر لكن زينه أما الثانيه من دبنهامز و استعملها أكثر لأنها أطول و الخط أرفع 

و نبدأ الحين . . بسم الله 

أول شي نحط اي شدو اللي نبغيه و غيره بس انا ما حطيت شي غير شدو فاتح عشان يبين الأي لاينر

* مهم نسويه و أحنا يالسين و نحط منظره تحت عالتسريحه عشان نجوف من تحت و يكون الأي لاينر أوضح من الزاويه

عقب نحط الفرشاه ف الجل و نمسح الأطراف ع الطرف عشان يكون دقيق و نرسم خط ممتد من تحت خط الرموش لفوق و أنا اعيد عليه أكثر من مره عشان يكون واضح و رفيع من الطرف و أهم شي خلي ايدج خفيفه و لا تسوين الخط برسمه وحده حاولي تسوين خطوط صغيره صغيره ممتده ! مادري اذا الشرح وصل أو لا 

و بعد يوم نرسم هالخط نكرره عالعين الثانيه عشان نتأكد انه الأي لاينر يكون متساوي فالعينين 

بعدها ارسم الخط من برع لداخل ب خطوط صغيرة و ما أعبي داخل في هذي الخطوه  

بعدها اسوي بالفرشاه على هذي الجهه و أرسم خط رفيع على خط الرموش يمتد لداخل العين و أهم شي نكون نجوف تحت عشان يكون أوضح بهذي الطريقة 

و أكمل ارسم الخط اللي يمتد ع داخل و أهم شي يكون رفيع وايد عشان يكون الأي لاينر رفيع من داخل و يبدا يعرض لبرع

الحين أبدا اعبي الفراغ ب ايد خفيفه عشان ما أخرب الشكل و يمكن تستعملون قلم كحل حاد في هذي الخطوة 

 و هذا الشكل النهائي بعد ما عبيت الفراغات كامله و حطين ماسكارا و ممكن تستعملون قطن الأذن و تحطون عليه مزيل ميك أب و تحددون الأي لاينر أو ترفعونه على كيفكم و أنا أفضله رفيع ما أحب المتين وايد 

و مهم أنه مع كل خطوه نرجع الفرشاه فالجل عشان يكون أسود عشان يضبط لأنه لو نشف عالفرشاه يكون الأي لاينر مب دقيق كفايه 

 و ان شاء الله أكون ساعدت حد و يكون الشرح واضح 

و بالتوفيق . . :)

❤ ♡ Weekend & Face masks collection ♡ ❤

　 

السلام عليكم ..

 طبعا اليوم الجمعه و آخر الليل قلت رح أنزل بوست لأنه الوقت الوحيد اللي أكون فيه فاضيه و أقدر أشتغل بهدوء و خاصه أنه الويك أند و جي .. طبعا اليوم أختي زارتنا و يابت وياها هالنافوره و رحنا يبنا ككاو و فواكه و غيره و كان الشي حلو بس ما كسر ظهري غير غسيل هالشي -,- كان مممعاناه المهم . . 

اليوم بسوي الكوليكش مال ماسكات الويه طبعا بنزل 

DIY face masks  

بس مب اليوم لأنه بعدي أشتغل على هذا البوست لأنه ما أقدر أسوي الماسكات ف يوم واحد و جي المهم ببدا لأنه أحس وايد كتبت 

Tea tree face mask - The body shop 

ماسك يناسب البشره اللي تعاني من الحبوب و الآثار و أحب أستعمله يوم بشرتي تحبب أحيانا لانه يهدي الويه شوي لكن ما يمحي الآثار و أي شي سحري أحس مجرد أنه يهدي الحبوب و تبتدا تخف شوي , ما يجفف الويه وايد يعني يوم تغسلينه تحسيي بالرطوبه شوي 

 Seaweed clay mask - The body shop 

ماسك الطحالب و الطين للبشرة المختلطه و الدهنيه , ريحته مثل الاسمنت شوي لكن مب قويه أحب استعمله يوم ويهي يكون دهني وايد يخفف الدهون بشكل ملحوظ و يعدل ملمس البشره تكون وايد أنعم و أنظف و جيد للمسامات و ينشف الويه شوي يعني مب وايد وايد 

 Brightening & pore care pack - The face shop 

ماركه كوريه موجوده في الفاستيفال ستي - دبي و مردف سيتي سنتر أعتقد 

أحلى ماسكين للحين و سعرهم 30 درهم أول واحد الأصفر للتفتيح + سكراب وايد ناعم و مثل الجل و أحس يعطي اشراقه للويه وايد حلوه , الثاني للمسامات أحبه وايد وايد لانه ينظف المسامات من داخل و ملمسه مثل معجون الأسنان مادري ليش و ريحته حلوه بعد مثل النعناع بس مشكلتهم ما يجفون بسرعه ياخد وقت يعني أكثر من 10 دقايق 

 Peeling mask - Himalaya 

الحمدالله أني خذت الحجم الأصغر لانه ينشف الويه وايد و هو من النوع اللي ما ينغسل لكن يتقشر لكن ينظف المسامات و ينشف الويه وايد و ياخذ وقت وايد وايد عشان اقشره مب معجبه وايد فيه لكن استعمله يوم أكون فاضيه و أبغي اشل الوصخ و خاصه عالخشم

 Scrub + mask - Soap & glory 

طبعا هالشي خذته باللغلط كنت باخذ مرطب اليد لانه نفس شكل العلبه و الحمدالله أني خذته لانه أحلى ماسك للحين هذا ريحته مثل معجون الأسنان بالضبط نعناع يحرق و موجود ف صيدلة بوتس في دبي مول و بيفتح في الفاستيفال قريب , ينظف المسامات و يقلل من آثار الحبوب بشكل مو ملحوظ وايد لكن محسوس فيه و ينعش الويه وايد و يمتص الدهون بعد 

و ترقبو الماسكات المنزليه قريب هالأسبوع ان شاء الله 

❤ ♡ February Favorites ♡ ❤

السلام عليككم . . اليوم حبيت أشاركم

أكثر الأشياء اللي استعملتها الشهر اللي طاف 

يمكن تأخرت شوي بس حسيت ابغي أحط بوست و ما عرفت شو أحط

قلت هذا وقته و جي 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

النيل بولش من 

OPI & Top shop

OPI - Dont pretzel my buttons ( 43 Dhs ) / Top shop - Ice crush 

الأول لونه طبيعي من أو بي أي وايد حلو اذا بشرتج حنطيه و كريمي و أحب أحط

 . .طبقه من أيس كرش يطلع روعه و وايد جلتري و ناعم 

النيل بولش من توب شوب بس موجود ف دبي مول لأنه الفرع الوحيد اللي فيه قسم الميك أب 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

مرطب لوشن من بودي شوب + واقي شمس

مرطب يتحكم باللمعان من كلين & كلير 

ذا بودي شوب : أحبه و أستعمله مثل البيس تحت كريم الأساس لأنه بشرتي جافه و دهنيه في التي زون بس

و خفيف لكن شوي يكفي للوجه كامل

كلين أند كلير : قريت عنه وايد ريفيو مب أوكي و محد مدحه بس اشتريته مادري لي

لأنه كنت أدور شي يتحكم باللمعان و كان وايد حلو و خفيف مثل اللوشن 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

لوريال كيرلنج موس 

طبعا شعري مب ناعم وايد شوي كيرلي و طوله متوسط أحس اني اهتم بالشعر الكيرلي و أخليه مرتب أحسن بدل ما أنعمه بالسشوار و أحرقه يعني الواحد يشتغل باللي عنده حسيت جي اريحلي وايد

يوم أطلع من السبوح و شعري مبلول انشفه بالفوطه شوي عقب أحط من هالموس و احطه فالأطراف و أبدا أضغط شوي و اسيبه النتيجه روعه و حلو و كيرلي مرتب مب كيرلي منفوش و عقبها أخليه ينشف مع الوقت 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

Bunny Ring from Ted Baker 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

نبدأ في قسمي المفضل الميك أب 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

سليك بلش - لونه روعه صح شكله يخوف لكن يعطي لون حلو و صحي أحب استعمله مع ميك أب خفيف وايد يطلع روعه 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

نكس سوفت مات لب كريم  - Antwerp 

لونه وايد حلو و طبيعي خاصه اللي بشرتها حنطيه و تحصل صعوبه في اختيار لون مناسب

و ثباته وايد حلو 

♥♥♥♥♥♥♥♥♥♥♥♥♥♥♥♥♥♥♥♥♥♥♥

هذي المسكره من ريميل حلوه و سيئه في نفس الوقت

طبعا لها نوعين للفرشاه تتطول و الثانيه تكثف ! اللي تطول روعه و ماعليها كلام بالعكس حبيتها وايد وايد 

لكن المشكله اللي تكثف وايد سيئه و تخلي الرموش تتكثل بس طبقه وحده تخرب الرموش 

و هي تاخذ وقت لين ما تنشف لكن ثبتها اوكي لمسكرة مب مضادة للماي

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

فرشاة سيفورا للبلشر او الكونتور طبعا استعملتها اول شهر لهذا الغرض لكن بديت انساها و رجعت لسيجما بعدين قلت استعملها للفاونديشن لانه شعرها متماسك و مرصوص قلت اكيد بتكون حلوه و النتيجه كانت *____* ادمان حسيت انه الفاونديشن صدق يندمج و يخلي تغطيته اقوى 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

tinted moisturizer - Laura Mercier 

للبشره الجافه للمختلطه , في البدايه ما حبيته حسيته وايد سائل لكن بديت استعمله ك فاونديشن يومي حسيته طبيعي و يخفي شوي و تغطيته خفيفه , عندي شوي أثار حبوب و يغطيهم شوي لكن لازم كونسيلر , احس يخلي بشرتي تتنفس غير عن التنتد الباقي اللي استعملتهم للحين 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

كونسيلر فيت مي من ميبلين 

 :( طبعا لونه افتح عني بدرجه تقريبا لانه ما عندهم تيستر اقدر اجرب 

لانه تحت عيني جاف شوي لكن هالكونسيلر وايد حلو و يغطي وايد و احب امده للخد و بعدها استعمل الفاونديشن 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥

نجي للعلبه من MUA 

طلبتها من موقعهم و طبها هي بديل عن النيكد باليت 1 لو لاحظتو

ألوانها وايد أقوى عن النيكد و كريميه بعد و جبيت سعرها ب 30 درهم و موقعهم  يوصل كل مكان 

muastore.co.uk

❤ ♡ 25 Facts about ME ♡ ❤

حبيت يكون أول بوست حقي تعريفي و أتمنى أني ما أطول عليكم و أتمنى يعجبكم 

❤

عمري 19 ❤

أدرس في جامعة أمريكية , كنت في جامعة الإمارات قبل ❤ 

درست قانون سنتين لكن ما كملت ❤ 

أدرس بزنس موارد بشريه الحين ❤

أحب السفر و ودي أسافر أماكن وايد ❤

أعشق إستكلندا جدا و خاصه التنانير و الموسيقى و اللهجة و كل شي متعلق فيهم❤

أكره الككاو مادري ليش بس يمكن أكل من فترة لفتره لكن كمية قليله ❤

أعشق أغاني الـ 60 و 70 ❤

أحب البيتلز ( فرقة انجليزيه ) أيام الـ60 ❤

أحب الميك أب مع أنه شكلي ما يوحي وايد ❤

أكره الألوان الفاقعه ❤

 كنت أعاني من وسواس قهري قضم الاظافر ❤ 

أكره البحر لدرجة أني اجز يوم أجوف صور تحت الماي مثل المرجان و جي ❤

أحب السمج أكثر عن اللحم أو الدجاج ^

ما أستوعب الرياضيات و حولت الجامعه بسببه ❤

أحب السوشي جدا جدا جدا و الأكل الياباني بشكل عام ❤

أحب اللحم يكون ني شوي ما احبه مطبوخ وايد ❤ 

أحب جيمس بوند و جميع أفلامه و جفتهم كلهم ❤

أحلى الطلعات يوم أسير السينما و أحبها وايد ❤ 

بديت أتدرب ع الليسن و يمكن أخذه نهاية هذا الشهر ❤ 

ألبس نظارات طبيه ❤

عندي علاقة حب و كره للمناكير ❤ 

احب السوق حتى لو بس اتمشى ❤

ادمان لعبة ذا سيمز و عندي كل الأجزاء تقريبا للحين ❤ 

  أحب البساطه و اللون الرمادي و الأبيض ❤